Birinshi shaqyrylymdaǵy Quryltaıdyń birinshi sesıasyn ashqan Qasym-Jomart Toqaev Vıse-prezıdenttiń jáne Premer-mınıstrdiń kandıdatýralary boıynsha usynysty qashan engizetinin aıtty.

Ata zańǵa sáıkes Úkimet jańadan saılanǵan Quryltaı aldynda óz ókilettigin toqtatady. Sondyqtan Quryltaıdyń qurylymy jasaqtalǵan soń men ózderińizge Vıse-prezıdenttiń jáne Premer-mınıstrdiń kandıdatýralary boıynsha usynys engizemin. Sodan keıin sizdermen aqyldasyp, Úkimet múshelerin taǵaıyndaımyn. Sonymen qatar jańa laýazymdy — Qaýipsizdik Keńesi tóraǵasynyń orynbasaryn taǵaıyndaımyn, — dedi ol.

Sonymen qatar, Prezıdent Quryltaı men Úkimet quramy tolyq aıqyndalǵan soń jyl saıynǵy Qazaqstan halqyna Joldaýyn jarıalaıtynyn aıtty.

— Joldaýda kóterilgen barlyq bastamany atqarýshy jáne zań shyǵarýshy bılik ókilderi birlesip, ýaqtyly ári sapaly júzege asyrýǵa tıis. Laýazymdy tulǵalardyń bári, ásirese, qyzmetine endi kirisetin azamattar aldymyzda turǵan ortaq maqsat-mindetterdi bilýi kerek, — dedi Memleket basshysy.