Alǵashqy jattyǵýdan jeńis tuǵyryna deıin: Túrksib aýdanynyń demalys ortalyqtary jasóspirimderge qandaı múmkindik beredi
Almatyda 100 demalys ortalyǵy jumys isteıdi. Olarǵa 13 myńnan astam jastar men jasóspirim turaqty qatysady. Qala boıynsha sport, shahmat, bı, vokal, beıneleý óneri jáne IT baǵyttarynda 300-den astam tegin úıirme men seksıa bar. Bul jeliniń basty ereksheligi -balalardyń ózine unaıtyn ispen úıine jaqyn jerde, sabaqtan keıin aınalysa alýy.
Túrksib aýdanynda da ortalyqtar osy qaǵıdamen jumys isteıdi. Máselen, Jas Qanat shaǵynaýdanynda Sadaq pen Delta, Álmerekte «Arlan» men «Taý», al Juldyz-1 shaǵynaýdanynda «Orken» ortalyǵy ornalasqan. Úıge jaqyn úıirme jasóspirimge jańa ispen aınalysyp kórýge, qyzyqqan baǵytyn tańdap, ony ári qaraı damytýǵa múmkindik beredi.

Osyndaı múmkindik keıbir tárbıelenýshiler úshin alǵashqy jarystar men júldelerge jol ashady. Máselen, 2026 jyly «Túrksib» demalys ortalyǵynyń shákirtteri jasóspirimder arasynda ótken dzúdodan Almatynyń ashyq chempıonatynda eki altyn jáne bir qola medal jeńip aldy.
«Ortalyqqa alǵash kelgende dzúdomen aınalysyp kórgim keldi. Úıge jaqyn ári tegin bolǵan soń, sabaqtan keıin jattyǵýǵa turaqty bara aldym. Osynda dostar taptym, bapkerim alǵashqy jarysyma daıyndalýǵa kómektesti. Qazir jattyǵýǵa ózim maqsat qoıyp kelemin. Oǵan jetý úshin ne isteý keregin de bilemin», - dep atap demalys ortalyq tárbıelenýshisi.
Jasóspirimder úıirmede úırengenin jarystarda, shyǵarmashylyq baıqaýlar men festıválderde kórsete alady. Almatynyń demalys ortalyqtary jyl saıyn osyndaı myńnan astam is-shara ótkizedi. Ortalyqtardyń mekenjaılary men baılanys derekteri Almaty qalasynyń Jastar saıasatyn damytý memlekettik qorynyń saıtynda jarıalanǵan.