Almaty qalasy Jastar saıasaty basqarmasynyń qoldaýymen «Dúısenbilik sport» jobasy boıynsha «Social project management» ortalyǵynyń uıymdastyrýymen NEET sanatyndaǵy jastar arasynda ústel tenısinen týrnır ótti.
Buqaralyq sportty damytý jáne jastardy qoldaý maqsatyndaǵy atalmysh is-sharaǵa bazardan, saýda ortalyqtarynda jumys isteıtin 30 qatysýshy baq synady.
Saıysqa túsken jastar arasynda bolashaqta úlken dodalarda top jarýdy maqsat etkender de bar. Týrnır Almaty qalasy Didda sport ústel tenıs ortalyǵynda ótti. Saıysqa «Qazyna», «Arlan»,  «Kenjehan», «Baısat» taǵy basqa saýda ortalyqtarynda jumys isteıtin jastar qatysty.
Alǵashqy irikteý kezinde top topqa bólinip, ózara irikteý oıyndaryn ótkizdi. Shırek fınal men jartylaı fınaldyq saıysqa súrinbeı jetken jastar arasyndaǵy oıyn tartysty ótti.
Týrnır qortyndysy boıynsha, birinshi oryn alǵan Jarqyn Dúısenge («Batyr» bazary) 250 myń teńgeniń, ekinshi oryn alǵan Abaı Nurǵazyǵa («Jańa Ialán» bazary) 150 myń teńgeniń, úshinshi oryn alǵan eki qatysýshy Almas Kaıpek («Baısat» bazary) pen Shahsultan Hodjashevke («Altyn orda» bazary) 50 myń teńgeniń aqshalaı júldesi buıyrdy. Jeńimpazdarǵa sertıfıkattardy, medal, kýboktardy qol kúresten sport sheberi Zamanbek Kejdenbek tabys etti.
​Buǵan deıin «Dúısenbilik sport» jobasy aıasynda Almaty qalasy bazar jastarynyń arasynda kıbersporttan týrnır ótken bolatyn. Endi aldaǵy ýaqytta «Dúısenbilik sport» jobasy aıasynda NEET sanatyndaǵy jastar arasynda voleıboldan, sýǵa júzýden, shaǵyn fýtbolda týrnırler uıymdastyrý josparda bar.