Australian Open-2026 týrnırinde qazaqstandyq Anna Danılına juptyq synda shırek fınalǵa joldama aldy. Ol serbıalyq Aleksandra Krýnıchpen birge 1/8 fınalda alań ıeleri atynan óner kórsetken Storm Hanter men Maııa Djoıntty jeńdi.

Mach eki setke sozyldy. Kezdesý 7:5, 7:6 (8:6) esebimen aıaqtalyp, oıyn ýaqyty 2 saǵat 13 mınýtqa jalǵasty. Eki sette de tartys joǵary bolyp, sheshýshi sátterde qazaqstandyq-serbıalyq dýet qajetti upaılardy óz paıdasyna sheshe aldy.

Osy nátıjeden keıin Anna Danılına men Aleksandra Krýnıch Australian Open shırek fınalyna shyqty. Kelesi kezeńde olar chehıalyq Katerına Sınákova men AQSH ókili Teılor Taýnsendten quralǵan tájirıbeli jupqa qarsy oınaıdy.

Australian Open – tenıstegi eń bedeldi «Úlken dýlyǵa» týrnırleriniń biri. Qazaqstandyq sportshynyń bul jetistigi el tenısi úshin mańyzdy nátıje sanalady.