AQSH, Ýkraına jáne Reseı ókilderiniń qatysýymen ótetin kelissózderdiń kelesi kezeńi 1 aqpanǵa josparlanǵan. Kezdesý Abý-Dabıde ótedi.
Reuters agenttiginiń málimetinshe, buǵan deıin ótken kezdesýler barysynda taraptar ózara qurmet tanytyp, kelisimge kelý joldaryn izdeýge nıetti bolǵan. Amerıkalyq sheneýniktiń aıtýynsha, talqylaýlar kelisimderdiń naqty tetikterin qamtyǵan. Al jeksenbi kúni ótetin kezekti kezdesýde kelissózderdi sońǵy kezeńge jaqyndatýǵa baǵyttalmaq. Aqparat kózi anonımdi bolýdy suraǵan.
AQSH-taǵy Axios portalynyń jýrnalısi Barak Ravıd te kezdesýdiń merzimin rastady. Onyń pikirinshe, úshjaqty kelissózderdiń qaıta jandanýy Máskeý men Kıev arasyndaǵy dıalogta belgili bir ilgerileý bar ekenin kórsetedi. Ýkraın tarap ókilderi ótken konsýltasıalardy oń jáne konstrýktıvti dep baǵalaǵan.
Reuters derekkózi Ýkraına úshin qaqtyǵystan keıin ázirlenip jatqan qaýipsizdik kepildikteri «óte myqty» bolatynyn atap ótti.
Eske salaıyq, buǵan deıin Abý-Dabıde Ýkraına máselesine qatysty eki kúndik konsýltasıalar ótken. TASS agenttiginiń derekkózi bul kezdesýlerdiń naqty nátıjeler bergenin aıtqanymen, olardyń mazmunyn ashyp kórsetken joq.
