Búgin Ortalyq saılaý komısıasynda naýqan kezeńinde saılaý aldyndaǵy úgitti júrgizýge qatysty zańnama normalary týraly habarlady. Ortsaılaýkom múshesi Lázzat Súıindik osy saılaý naýqany aıasynda saılaý aldyndaǵy úgit 1 qarasha kúni saǵat 18:00-den keıin bastalyp, 28 qarasha kúni saǵat 00:00-de aıaqtalatynyn atap ótti. Daýys berý aldyndaǵy kún, ıaǵnı 28 qarasha - tynyshtyq kúni bolyp belgilengen. Bul kúni saılaý aldyndaǵy úgit júrgizýge tyıym salynady.
Sondaı-aq OSK daýys berý kúni toltyrylǵan búletendi foto jáne (nemese) beınetúsirilimin júzege asyrýǵa jáne ony taratýǵa tyıym salynatynyn eske saldy. Ózderiniń ınternet-resýrstary men onlaın-platformalardaǵy akkaýnttaryn paıdalanatyn saıası partıalar men kandıdattarǵa úgit materıaldaryn shart negizinde ornalastyrý týraly talap qoldanylmaıtynyn túsindirdi.
Sonymen qatar, Qazaqstannan tys jerde úgit materıaldaryn daıyndaýǵa, anonımdi úgit materıaldaryn taratýǵa, sondaı-aq aǵymdaǵy saılaý naýqany úshin ázirlenbegen materıaldardy paıdalanýǵa tyıym salynatyndyǵy atalyp ótti.
«Daýys berý kúni jáne onyń aldyndaǵy kúni kez kelgen saılaý aldyndaǵy úgitke tyıym salynatynyn eske salǵym keledi. Buǵan deıin ornalastyrylǵan úgittik baspa materıaldary burynǵy oryndarynda saqtalýy múmkin. Internet jelisindeornalastyrylǵan úgit materıaldary da burynǵy oryndarynda qala beredi. Alaıdaolardy ınternet-resýrstardyń bastybetterine shyǵarýǵa jol berilmeıdi. Daýysberý kúniniń aldyndaǵy bes kún ishinde jánedaýys berý kúni buqaralyq aqparatquraldarynda jáne onlaın-platformalardaqoǵamdyq pikirge saýal salý nátıjelerin, saılaý qorytyndylarynyń boljamdaryn, saılaýǵa baılanysty ózge de zertteýlerdi, sondaı-aq saıası partıalardy qoldaýmaqsatyndaǵy daýys berý nátıjelerinjarıalaýǵa jol berilmeıdi», - dep atap óttiLázzat Súıindik.
