Sońǵy úsh jylda merzimdi áskerı qyzmetin ótkergen shamamen 9 myń jas azamat joǵary oqý oryndaryna UBT tapsyrmaı qabyldanǵan. Al ótken jyly áskerden oralǵan 3 myńnan astam sarbaz ózderi tańdaǵan ýnıversıtetterde bilim alýǵa múmkindik aldy.
Merzimdi áskerı qyzmet azamattardyń Konstıtýsıada bekitilgen mindetin oryndaýmen ǵana shektelmeıdi. Qyzmet barysynda jastar bolashaq kásibı baǵytyn aıqyndap, naqty mamandyqqa qadam jasaı alady. Áskerde júrgen bir jyl ishinde olar birqatar paıdaly daǵdylardy meńgerip, sonyń ishinde júrgizýshi kýáligin alý múmkindigine de ıe bolady.
Mundaı tetikter áskerı qyzmettiń áleýmettik mańyzyn arttyryp, jastardyń bilim alýyna jáne eńbek naryǵynda suranysqa ıe bolýyna jol ashyp otyr.
