Bolgarıanyń Konstıtýsıalyq soty búgin Rýmen Radevtiń memleket basshysy qyzmetinen óz erkimen ketý týraly ótinishin qarap, ony resmı túrde bekitti. Osy sheshim arqyly onyń prezıdent retindegi ókilettigi merziminen buryn toqtatyldy.
Sot qaýlysynda Rýmen Radevtiń otstavkasy Konstıtýsıalyq sot tarapynan rastalǵany jáne sheshimniń 2026 jylǵy 23 qańtardan bastap kúshine enetini kórsetilgen. Konstıtýsıa talaptaryna sáıkes, vıse-prezıdent Ilıana Iotova prezıdent ókiletin óz moınyna aldy. Osylaısha, ol Bolgarıa tarıhyndaǵy alǵashqy áıel prezıdent atandy jáne eldiń altynshy memleket basshysy boldy.
Eske salaıyq, 19 qańtarda, alǵashqy prezıdenttik ant bergenine toǵyz jyl tolǵan kúni Rýmen Radev halyqqa úndeý jasap, qyzmetten ketetinin málimdegen edi. Ol bul sheshimin elde jańa úkimet qurý múmkin bolmaǵan jaǵdaımen jáne kezekten tys parlamenttik saılaýdyń qajettiligimen baılanystyrdy.
61 jastaǵy Ilıana Iotova Bolgar ulttyq televıdenıesinde eńbek etken, Bolgar sosıalısik partıasynyń múshesi bolǵan. Buǵan deıin ulttyq parlament pen Eýroparlament depýtaty qyzmetterin atqarǵan. 2017 jyldan beri Bolgarıanyń vıse-prezıdenti boldy.
