Úndistanda bılik Nıpah vırýsynyń taralýyn shuǵyl túrde tejeý sharalaryn kúsheıtti. Resmı málimetterge sáıkes, rastalǵan jaǵdaılar sany bes adamǵa jetken. Aýrý juqtyrǵandardyń arasynda dárigerler men meıirbıkelerdiń bolýy mamandardyń alańdaýshylyǵyn kúsheıtip otyr. Bul týraly The Independent basylymy habarlady.

Medısına qyzmetkerleriniń indetke shaldyǵýy aýrýdyń aýrýhanaishilik taralý qaýpin arttyrady. Sarapshylardyń pikirinshe, bul vırýs tyǵyz baılanys kezinde ońaı juǵýy múmkin ekenin kórsetedi. Ásirese medısınalyq mekemelerde baqylaý sharalaryn qatańdatý qajettigi týyndap otyr.

Nıpah vırýsy (Nipah virus, NiV) – joǵary qaýipti zoonozdyq ınfeksıa. Ol alǵash ret 1999 jyly Malaızıada tirkelgen. Vırýs adamǵa janýarlardan, sondaı-aq adamdar arasynda tikeleı baılanys arqyly, onyń ishinde medısınalyq kómek kórsetý barysynda da berilýi múmkin.

Dúnıejúzilik densaýlyq saqtaý uıymynyń málimetinshe, Nıpah vırýsy arnaıy emi men vaksınasy joq asa qaýipti patogenderdiń qataryna jatady jáne jahandyq densaýlyq saqtaý júıesine eleýli qaýip tóndiredi.