Birikken Arab Ámirlikteri Iran tarapynan zymyrandar men drondar arqyly shabýylǵa ushyrady. Bul jaǵdaı AQSH pen Iran arasyndaǵy álsiz bitimniń buzylý qaýpin kúsheıtti. AQSH soǵys kemelerin jibergenin habarlady.

AQSH málimetinshe, Ormýz buǵazy aımaǵynda ırandyq birneshe qaıyq joıylǵan. Al Iran bul aqparatty joqqa shyǵardy.

Donald Tramp eger Iran AQSH kemelerine shabýyl jasasa, «óte qatań jaýap bolatynyn» eskertti. Onyń aıtýynsha, AQSH áskeri buǵaz arqyly ótetin komersıalyq kemelerdi qorǵaýda.

BAÁ qorǵanys mınıstrligi el aýmaǵynda áýe shabýylyna qarsy júıeler 12 balıstıkalyq zymyrandy, birneshe qanatty zymyran men drondardy atyp túsirgenin habarlady. Shabýyl saldarynan birneshe adam jaralanǵan.

Qaqtyǵys saldarynan álemdik naryqta munaı baǵasy ósip, qor naryqtary tómendedi. Sarapshylar Taıaý Shyǵystaǵy jaǵdaıdyń ýshyǵýy jahandyq ekonomıkaǵa keri áser etýi múmkin ekenin eskertýde.