Qytaıdyń robotaksı kompanıalary Irandaǵy soǵysqa qaramastan Taıaý Shyǵystaǵy jobalaryn toqtatpaı, belsendi túrde keńeıtip jatyr.

İri qytaılyq kompanıa DiDi 2026 jyldyń sońyna qaraı alǵashqy sheteldik robotaksı testin Birikken Arab Ámirlikteri aýmaǵynda bastamaq.

WeRide kompanıasy Dýbaı qalasynda tolyq júrgizýshisiz robotaksı qyzmetin iske qosty. Jolaýshylar kólikti Uber qosymshasy arqyly shaqyra alady.

Pony.ai da Dýbaıda komersıalyq lısenzıa alýǵa jumys júrgizip jatyr. Kompanıa basshylyǵy soǵysty «qysqa merzimdi faktor» dep baǵalaıdy.

Baidu-dyń Apollo Go jobasy da Dýbaıda júrgizýshisiz taksı qyzmetin iske qosqan.

Dýbaı bıligi bastapqy kezeńde 50 robotaksı iske qosyp, aldaǵy jyldary olardyń sanyn 1000-nan asyrýdy josparlap otyr.

Sońǵy eki jylda qytaılyq avtonomdy kólik kompanıalary halyqaralyq naryqqa belsendi shyǵyp, ásirese Taıaý Shyǵysty negizgi damý aımaǵy retinde tańdaǵan. Keıin bul tehnologıa Eýropa men basqa naryqtarǵa taralýy múmkin.