Búgin oblys ákimi Berik Ýálıdiń tóraǵalyǵymen ınvestısıa tartý jónindegi óńirlik úılestirý keńesiniń kezekti otyrysy ótti.

Jıynda «MIRYILDIZ KZ Ltd.» kompanıasynyń Abaı aýdanynda altyn óndirý fabrıkasyn, «Nurbay Operating» seriktestiginiń Aıagóz aýdanynda mys kenin óńdeıtin baıytý fabrıkasyn, «GRES Kýrchatov» kompanıasynyń Kýrchatov qalasy mańynda elektr stansıasyn salý, «Abai Poultry Agro» kompanıasynyń qus fabrıkasyn ashý jobalary tanystyryldy. Sondaı-aq, «BiBi Product» seriktestiginiń qoıma qurylysy, «TAB Development» kompanıasynyń Semeı qalasynda qonaq úı keshenin, «Global Construction» kompanıasynyń qoıma nysanyn, jeke kásipker Qymbat Zeıneǵabıdenovanyń meıramhanasy bar qonaq úı keshenin salý, «Semeı mehanıkalyq zaýytynyń» metal jáne beton buıymdary óndirisin iske qosý, «Asyl Túlik KZ» seriktestiginiń Jarma aýdanynda sýarý ınfraqurylymyn damytý, «Álfa Medıka Qazaqstan» seriktestiginiń jeke medısınalyq klınıka ashý jobalary usynyldy.

Keńes qorytyndysynda jalpy somasy 1 228,2 mlrd teńgeni quraıtyn, 1584 turaqty jumys ornyn qurýǵa múmkindik beretin 12 joba maquldandy. Aımaq basshysy bul jobalar óńirdiń ınvestısıalyq tartymdylyǵyn arttyryp, jańa jumys oryndaryn qurýǵa septigin tıgizetinin atap ótti.