Almaty qalasy qoǵamdyq densaýlyq saqtaý basqarmasy fýtbolshy Dıas Tóleýdiń qazasyna baılanysty resmı túsindirme berdi.
"Ekibastuz" klýbyna qarsy keshegi oıyn kezinde Dıastyń qalaı jaraqat alǵany kórinbeı qaldy. Biraq bas kezinde ol aıaǵyn ustap jatqan. Odan keıin jaǵdaıy múldem nasharlap ketti.
Basqarma málimetinshe, Almaty Ortalyq qalalyq klınıkalyq aýrýhanasynyń qabyldaý bólimshesine 2006 jyly týǵan fýtbolshy klınıkalyq ólim jaǵdaıynda jetkizilgen. Ony oqıǵa ornynda kezekshilik atqarǵan jeke medısınalyq jedel járdem brıgadasy alyp kelgen.
"Medısınalyq brıgada 30 mınýt boıy reanımasıalyq sharalar jasady. Alaıda ómir súrý belgilerin qalpyna keltirý múmkin bolmady. Bıologıalyq ólim tirkeldi", - deıdi dárigerler.
Marqumnyń denesi sot-medısınalyq saraptamaǵa jiberildi. Saraptama kezinde ólimniń sebebi anyqtalady.
