Almaty qalasynda Qazaqstannyń halyqaralyq adam quqyqtary búrosynyń alańynda ótken baspasóz máslıhaty taǵy da nazarǵa tústi. Tilshilerdiń basyn qosqan jıyn Kók-Jaılaý shatqalynda «Almaty Superski» jobasyn júzege asyrý máselesine arnalǵan edi. Spıkerler retinde sóz sóılegen Saltanat Tashımova men EmınaKýjamýratovanyń alǵa tartqan ýájderi kúmán týdyryp, «ekobelsendilerdiń» kóbine faktilerdi durys túsinbeıtinin taǵy da kórsetti.
Jıyn barysynda alǵashqy negizgi aıyp ekobelsendi Emına Kýjamýratovanyń aýzynan shyqty. Onyń aıtýynsha, taý klasteriniń is júzinde biryńǵaı jobasy men tujyrymdamasy joq, tek «bir-birinen ótken ádemi sýretter» ǵana bar. Alaıda bul pikir ashyq derekter arqyly ońaı joqqa shyǵarylady. Óıtkeni Qorshaǵan ortanyń jaı-kúıitýraly Ulttyq derekter bankiniń portalynda Kók-Jaılaý shatqalynda Almaty Superski qurylysyn júzege asyrýdyń yqtımal áserleri týraly kólemdi esep áldeqashan jarıalanǵan. Sol jerde jobanyń elektrondy nusqasy men jobalyq qujattamanyń tolyq paketi de ornalastyrylǵan. Iaǵnı joba bar, onyń negizgi sheshimderi egjeı-tegjeıli jazylǵan jáne onymen kez kelgen adam tanysa alady.
Aǵashtarǵa qatysty da emosıaǵa áser etetin málimdeme jasaldy. Spıkerlerdiń sózinshe, kýrort salý úshin Qyzyl kitapqa engizilgen aǵashtar dál qazir joıylyp jatyr eken. Alaıda joba ázirleýshileri dalalyq jumystar júrgizip, jer telimindegi árbir aǵashtyń koordınaty, tuqymy men jaǵdaıy kórsetilgen egjeı-tegjeıli aǵash túgendeý tizimin jasaǵan bolyp shyqty. Oǵan sáıkes, kesýge jatatyn Qyzyl kitapqa engizilgen aǵashtar ol aýmaqta múlde joq.
Jıyn barysynda kólik keptelisi máselesin kótergen de syn aıtyldy. Bul joly belsendilertarapynan qoıylǵan «Dýlatı men Gornaıa kósheleri sıaqty tar joldar kún saıyn 15 myń týrısi qalaı ótkizbek?» degen suraq oryndy boldy. Spıkerler joba avtorlaryna saýatty sáýlet sheshimderiniń joqtyǵyna baılanysty min taqty. Alaıda bul jerde de termınder shatastyrylǵan. 15 myń degen kórsetkish jobalyq qujattamada shynymen bar. Biraq ol bes ýchaskedegi 17 aspaly joldy qosa alǵanda, ınfraqurylymnyń tehnologıalyq ótkizý qabiletiniń shekti kórsetkishin bildiredi. Iaǵnı bul – kólikpen keletin nemese kún saıyn qabyldanatyn týrıser sany emes, tehnıkalyq múmkindiktiń shegi.
Jobanyń bastapqy kezeńinde naqty kelýshiler aǵyny budan áldeqaıda tómen bolady: kýrort bir mezette 5 myńǵa deıin shańǵyshy men 10 myńǵa deıin jaıaý týrısi qabyldaýǵa eseptelgen. Bul rette joba ázirleýshileri negizgi ekologıalyq eseptiń mindetterine qalalyq kólik keptelisterinmodeldeý kirmeıtinin oryndy atap kórsetti. Ol úshin búkil megapolıs boıynsha kólik aǵyndarynyń qaıta bólinýin eskeretin jeke kóliktik-ekologıalyq esep qajet.
Baspasóz máslıhaty barysynda zańnamanyń yqtımal buzylýy jáne qajetti ruqsattardyń joqtyǵy týraly birneshe ret málimdemeler aıtyldy. Alaıda spıkerler óz sózderin salalyq saraptamalardyń qorytyndylary nemese ózge de qujattarmen dáleldeı almady.
Baspasóz máslıhaty kezinde jýrnalıser tarapynan da zańdy suraqtar týyndap, BAQ ókilderi spıkerlerdiń qandaı negizde eki jarym myń almatylyqtyń atynan sóılep jatqanyn surady. Alaıda bul suraqqa da naqty jaýap berilgen joq.
