Mektep kestesin qurastyrý — birneshe aptaǵa deıingi ýaqytty alatyn ári kóp jumysty qajet etetin proses. Ákimshilik pedagogterdiń júktemesin, kabınetterdiń bos bolýyn eskerip qana qoımaı, sabaqtardyń qabattaspaýyn qamtamasyz etýi kerek. Endi bul jumysty tolyqtaı avtomattandyrýǵa jáne jeńildetýge bolady.
Bilim Group EdTech ekojúıesi ázirlegen tegin BilimClass elektrondyq jýrnalynda mektep pen muǵalim úshin mańyzdy tustardy eskerip, kesteni ózdiginen qalyptastyratyn konstrýktor paıda boldy. Synyp sany 100-ge jetetin mektepter úshin júıe daıyn keste nusqasyn bir mınýttan aspaıtyn ýaqyt ishinde qurastyrady. BilimClass ázirlemesiniń jetekshisi Farhat Úsen jańa fýnksıanyń naqty qalaı jumys isteıtinin jáne nelikten onyń myńdaǵan muǵalimniń jumysyn jeńildetetinin aıtyp berdi.
Sabaq kestesin bir mınýtta ázirleý — endi ońaı
Buǵan deıin kestege jaýapty maman ony elektrondyq kestelerde nemese syrtqy baǵdarlamalarda qurastyryp, elektrondyq jýrnalǵa daıyn kúıinde kóshiretin. Endi kesteni júıeniń ózinde qalyptastyryp, ózgeristerdi daıyn kestege engizýge bolady. Budan bólek, júıe kesteni qolmen jasaǵanda jıi ketetin qatelikterdi sheshedi: muǵalimniń de, sabaqtyń da qabattasyp ketýine jol bermeıdi.
BilimClass ázirlemesiniń jetekshisi Farhat Úsenniń aıtýynsha, kesteni avtomatty túrde qurastyrý kezinde júıe sanıtarlyq talaptardy qatań eskeredi: oqý júktemesin apta kúnderine teń bóledi jáne kúrdeliligi joǵary pánderdi bir synypqa kúnine eki ret qoımaıdy. Kabınet tańdaǵanda aldymen muǵalimge bekitilgen bólme, sodan keıin pánge arnalǵan arnaıy kabınet, al olar bos bolmasa, ámbebap kabınet esepke alynady. Eger synyp topqa bólinse, júıe bir pán boıynsha sabaqtardy bir ýaqytqa qoıady, bul rette ár toptyń óz muǵalimi men kabıneti saqtalady. Kesteni bólýdi bastamas buryn konstrýktor engizilgen málimetterdi tekserip, qaı aqparattyń jetispeıtinin kórsetedi: barlyq eskertý eskerilmeıinshe, kesteni qurastyrý prosesi bastalmaıdy.
Kesteniń túpkilikti nusqasyn jaýapty maman ózi bekitetinin atap ótken jón. Júıe bóle almaǵan sabaqtar sebebimen birge (muǵalimniń, bos ýaqyttyń nemese kabınettiń tapshylyǵy) bólek tizimge shyǵarylady. Kestege jaýapty maman málimetterdi túzetip, tek bólinbeı qalǵan sabaqtardy qaıta qaraýǵa jiberedi, al kesteniń daıyn bóligi men engizilgen ózgerister avtomatty túrde saqtalyp otyrady. Budan bólek, belgili bir sabaqty naqty kún men ýaqytqa bekitip qoıýǵa bolady, al qalǵan keste soǵan yńǵaılastyrylyp qurylady. Sondaı-aq keste resmı túrde jarıalanǵanǵa deıin ony muǵalimder de, oqýshylar da kóre almaıdy.
«Bizde bar derekter boıynsha, 71 synyby, 178 pedagogi bar mektepterde kesteni qolmen qurastyrý eki-úsh aptaǵa sozylady jáne sabaqtardyń qabattaspaýyn únemi qadaǵalap otyrýdy talap etedi. Konstrýktordyń kómegimen 100 synyby bar mektepterde kesteni qalyptastyrý bir mınýttan aspaıdy jáne sabaqtardyń kem degende 85%-y birinshi retten-aq esh týzetýsiz bólinedi. Sonymen qatar kesteni qolmen jetildirýge bolady, al keste boıynsha túpkilikti sheshimdi dırektordyń orynbasary qabyldaıdy», — deıdi Farhat Úsen.
Búgingi tańda BilimClass-ty Qazaqstannyń 16 óńirinde 2,75 mıllıon oqýshy, 307 myń pedagog jáne 6 000-nan astam mektep paıdalanady. 2026 jyldyń kókteminde muǵalimder men ata-analar arasynda júrgizilgen saýalnama paıdalanýshylardyń platformanyń qolaılylyq pen jeke derekterdiń qorǵalýyn joǵary baǵalaıtynyn kórsetken.
Anyqtama úshin: Bilim Group — 15 jyldan asa mektepke deıingi jastan bastap kásibı damýǵa deıingi oqý jolyn súıemeldeıtin keshendi sheshimderdi jasap kele jatqan ulttyq sıfrlyq bilim berý ekojúıesi. Osylaısha Bilim Group memleketke jáne mektepterge Qazaqstannyń barlyq óńirinde qoljetimdi ári turaqty bilim berýdi qamtamasyz etýge kómektesedi. Búginde ekojúıe sheshimderin 5 mıllıonnan astam adam, 350 myńnan astam pedagog jáne 6 myńnan astam mektep paıdalanady.
