Túrkistan qalasyna erekshe mártebe beriledi. Tıisti zań jobasyn búgin Senat depýtattary maquldady.

Búgin Senatta Túrkistanǵa qatysty eki zań jobasy qaraldy: "Túrkistan qalasynyń erekshe mártebesi týraly" jáne "Qazaqstan Respýblıkasynyń keıbir zańnamalyq aktilerine Túrkistan qalasynyń erekshe mártebesi jáne shet eldegi mádenıet ortalyqtary máseleleri boıynsha ózgerister men tolyqtyrýlar engizý týraly".

"Qarastyrylyp otyrǵan zańnyń maqsaty - Túrkistan qalasynyń Qazaqstan Respýblıkasynyń rýhanı-mádenı jáne tarıhı ortalyǵy retindegi erekshe mártebesin aıqyndaıtyn quqyqtyq negizderdi retteý. ...Týrızm salasyn damytý maqsatynda Túrkistan qalasynyń ákimdigine kásipkerlik sýbektileri shyǵyndarynyń bir bóligin óteý boıynsha birqatar quzyretter beriledi, onyń ishinde:

• týrısik qyzmet obektilerin salý jáne rekonstrýksıalaý kezinde;
• jol boıyndaǵy servıs nysandaryn salý boıynsha; 
• syıymdylyǵy segiz orynnan asatyn kólik quraldaryn satyp alý boıynsha jáne t.b.

Bul túzetýler týrısik ınfraqurylym men qyzmetterdi odan ári jetildirýdi qamtamasyz etýge múmkindik beredi", - dedi senator Baýyrjan Qanıev.

Sondaı-aq, Qoja Ahmet Iasaýı kesenesi mańyndaǵy qurylys máselesi talqylandy.

"Kesene aınalasyndaǵy qurylystyń biryńǵaı standarttaryn jáne Túrkistan qalasynyń aýmaǵynda sáýlet pen qala qurylysynyń biryńǵaı stılısıkasyn qamtamasyz etý úshin normalar kózdelgen. Osylaısha, jergilikti ókildi jáne atqarýshy organdar qalanyń sáýlet kelbetin qalyptastyrý jáne qala qurylysyn josparlaý qaǵıdalaryn ázirleýge jáne bekitýge jaýapty bolady", - dedi senator.

Odan bólek Túrkistan qalasynyń ákimdigine barlyq sanattaǵy tarıh jáne mádenıet eskertkishti anyqtaý, zerdeleý, saqtaý, jergilikti jerdiń tarıhı-sáýlettik tirek josparlary men karta-sqemalaryn jasaý boıynsha quzyretter berilmek.