Бүгін, 13 тамыз Қазақстан ақпарат кеңістігінің негізгі ұйымы «ҚазАқпарат» Халықаралық ақпарат агенттігінің құрылғанына бүгін 94 жыл толды. 1920 жылғы 13 тамызда алғашқы қазақ жаңалықтар агенттігі - Ресей телеграф агенттігінің (РОСТА) Орынбор-Торғай бөлімі құрылды, 1925 жылы оның атауы ҚазРОСТ болып өзгерді. 1937 жылы БАҚ Қазақ КСР Министрлер Кеңесіне берілді. Осы сәттен бастап, 60 жыл бойы агенттік оқырмандарға ҚазТАГ атауымен белгілі. 1997 жылы басылым «ҚазААГ» республикалық ақпарат агенттігі болып өзгерді, ал 2002 жылы оның базасында «ҚазАқпарат» ҰК» АҚ құрылды.
Бұл күнде «ҚазАқпараттың» фото мұрағатында 1 000 000-ға жуық фото бар екен. Мұны еліміздің фотосурет шежіресі деуге болатындай. ҚазАқпарат қызметіне 94 жыл толып отырғанына байланысты ел мақтанышы Астана қаласы туралы назарларыңызға агенттік фототілшілері әр жылдары түсірген суреттерден арнайы фоторепортаж ұсынды. Жалпы, 94 жыл қызметінде ақпарат агенттігінде сан саланы қамтитын суреттер қоры жасақталды.
