Instagram желісінде denski_blog атты желі қолданушысының жеке парақшасында мәжбүрлі түрде қайыр сұрап жүрген баланың суреті пайда болды. Фотодан шамамен 9-10 жасар баланың бағанаға жіппен байланып тұрғанын көруге болады, деп хабарлайды "Қамшы" ақпараттық агенттігі.
"Өз көзіме өзім сене алар емеспін. Бәріміздің көзіміз көріп үйренген қайыршы баланы бағанға жіпке байлап қайыпты. Бұған жәй қарап тұру мүмкін емес. Құқық қорғау органдары неге мұндай іске жол береді? Тап сол сәтте барып жібін кесіп тастағым келді. Мен әдетте сабырлы адаммын, бірақ мына көрініс менің шамыма тиді. Іс кішкентай балаға келіп тірелгенде, қалай жайбарақат отыруға болады?" - деп жазады әлеуметтік желі қолданушысы.
