Астана қаласындағы «Қазақстан» спорт кешенінде «Астана Арландары» мен «Куба Домадорес» командалары арасында Бүкіл әлемдік бокс сериясы WSB жобасының VII маусымның финалдық жекпе-жегі өтіп жатыр деп хабарлайды Qamshy.kz.

Йоханус Аргилагоспен қолғап түйістірген  49 келі салмақтағы Теміртас Жүсупов 5 раундтық бәсекеде ұпай санымен қарсыласынан басым түсті. 

Еске салсақ, екі боксшы 2015 жылғы финалда жолығып, кездесу Жүсіповтың жеңісімен аяқталған болатын. 

Бір айта кетерлігі кубалықтар бұл финалға кілең Олимпиада, Әлем чемпиондарын, тек қана бірінші номерлі боксшыларын әкелген. Ал «Астана Арландары» командасы екінші, үшінші, төртінші номерлі боксшылардан құралса да Өзбекстан, Ресей, Әзірбайжан, Қытай, Англия сияқты елдердің тек қана бірінші номерлі боксшыларын жеңіп, финалға жеткен.