Германия билігі ауған мигранттарын жаппай еліне қайтару шешімінен бас тартты. Сыртқы істер министрлігі және Ішкі істер министрлігі Ауғанстандағы жағдайды қайта қарап, оны "қауіпсіз елдер" тізімінен шығарды деп хабарлайды Qamshy.kz ақпарат агенттігі Сentralasian.org сайтына сілтеме жасап.
Осы уақытқа дейін Германия үкіметі Ауғанстанның қауіпсіздік жағдайын қанағаттандырарлық деп бағалап келген. Мұндай "қауіпсіз" елдер қатарына Албания, Македония, Черногория және Сербия кірген. Бұл елдердің босқындарын елдеріне қайтарумен айналысқан.
Германия билігі 10 мыңға жуық ауған мигрантын еліне қайтаруды жоспарлаған. Өткен жылы қарашада осындай шешім қабылданған. Мамыр айында Кабулда тіркелген жойқын жарылыстан соң Ауғанстандағы қауіпсіздік деңгейі қайтадан бағаланды.
2016 жылы Германия 27 босқынды Ауғанстанға қайтарған, ал 2015 жылы – 9 ауған бұл елден баспана ала алмады. Қазіргі таңда Германияда 250 мыңға жуық ауған бар. Бұл – Ауғанстаннан көшкен азаматтардың шамамен 5 пайызы.
Пікір қалдыру