Сирия Ракка лаңкестер күрд жасағы қоршау Сирияның Ракка қаласындағы содырлар толықтай қоршауда қалды деп хабарлайды Qamshy.kz ақпарат агенттігі Рейтерс-ке сілтеме беріп.
Оларды «Сирияның демократиялық күштері» қысымға алған. Бұл топ өкілдеріне АҚШ басқаратын халықаралық коалиция әуеден қолдау көрсетеді. Басым бөлігі күрдтерден тұратын жасақ жауынгерлерінің айтуынша, бүгінде Ракканың орталығында шамамен 1700-ге жуық содыр бар. Шаһарға күрд жасағымен қатар Сирия әскері де шабуыл жасады. Биліктің негізгі мақсаты – соңғы бірнеше жыл бойы лаңкестердің бақылауында болған Дейр-эз Зорды азат ету.
Айта кетейік, Ракка қаласындағы лаңкестерге қарсы операция шілденің алтысында басталды.
