Бүгін Үкімет үйінде ҚР Премьер-министрі Бақытжан Сағынтаев компания президенті И Сяоган басшылық еткен SANY Group компаниясының өкілдерімен кездесу өткізді. Бұл туралы Qamshy.kz ақпарат агенттігі Премьер-министрдің баспасөз қызметіне сілтеме жасап хабарлайды.
Кездесу барысында машина жасау саласында, сонымен қатар көлік-логистикалық орталықтардың құрылысы мен оларды дамыту саласында ынтымақтастық орнату мәселелері талқыланды.
