Денсаулық сақтау министрі Е. Біртанов, Ұлттық ғылыми кардиохирургия орталығының басқарма төрағасы Ю. Пя, А. Н. Сызғанов атындағы Ұлттық ғылыми хирургия орталығының басқарма төрағасы Б. Баймаханов, Қазақ онкология және радиология ғылыми-зерттеу институттың директоры Д. Қайдарова, Семей қ. мемлекеттік медициналық университетінің ректоры Е. Жүнісов ағымдағы жағдай, клиникалық зерттеулер жүргізу тәжірибелері мен қазақстандық медицина алдында тұрған міндеттер туралы баяндамаларымен таныстырды.
Бүгін Үкімет үйінде ҚР Премьер-министрі Бақытжан Сағынтаев еліміздің жетекші ғылыми медициналық орталықтарының директорларымен кездесу өткізді, деп жазады Qamshy.kz ақпарат агенттігі Премьер-министрдің баспасөз қызметіне сілтеме жасап.
Кездесу барысында республикада медициналық ғылымды дамытудың негізгі бағыттары талқыланды. Соның ішінде, онкологиядағы персонализацияланған медицина артықшылықтары, білім, ғылым және клиникалық практиканың бірігуі, сондай-ақ, Қазақстандағы биомедициналық зерттеулер келешегі қаралды.
