Алматыда 19 желтоқсанда көпқабатты үй өртке оранды, деп жазады Qamshy.kz ақпарат агенттігі.
ТЖД хабарлауынша, 11:46-да «101»-ге Самал-2 ықшам ауданындағы «Триумф» тұрғын үй кешенінен өрт шыққаны хабарланды. Алғашқы өрт сөндірушілер 7 минуттан соң, сағат 11:53-те жеткен.
9 қабатты тұрғын үйдің шатырынан түтін шықты. Өртті сөндіру барысында 50 адам эвакуацияланған, оның үшеуі балалар.
Сағат 12:21-де өрт сөндірушілер тілсіз жауды ауыздықтап алды. Өрт көлемі 40 шаршы метрді қамтыды.
Абырой болғанда қаза тапқандар мен жарақаттанғандар жоқ.
