Әлемге танымал жас әнші Джастин Бибердің АҚШ-та жоғалып кеткен «егізі» Тоби Шелдонның мәйіті Калифорниядан табылды. Бұл туралы "Қамшы" порталы Bnews - ке сілтеме жасап хабарлайды.

Тоби осыдан бір апта бұрын ұшты-күйлі жоғалып кеткен болатын.

Калифорниядағы «№6» қонақүйден Тоби Шелдонның өлі күйінде табылған денесімен қоса полиция есірткі заттарын да тәркілеген. Алайда, Шелдонның ажалы нақты неден болғаны әзірге белгісіз.

Тоби Шелдон 2013 жылдары көпшіліктің сүйікті әншісіне айналған Джастин Бибердің табынушысы ретінде танылды. 35 жастағы «әнші» Биберді пір тұтқаны соншалық, оған ұқсағысы келіп, бірнеше рет ота жасаған.

Осы жылы өзінің сырт келбетіне көңілі толған ол тіпті бірінші әнін де жазып үлгерген еді.