Тұрғындарға COVID-19-ға қарсы екпе салу және вакциналарды аймақтарға бөлу «Nur Otan» партиясының бақылауына алынады. Бұл туралы Партиялық бақылау комитетінің бірінші ұйымдастырушылық отырысында белгілі болды. Жиында жаңа құрам бекітіліп, алдағы жылға арналған жұмыс жоспары анықталды.
Партияның баспасөз қызметі хабарлағандай, өңірлердегі партиялық бақылау комитеті мен комиссияларының бірінші кезектегі міндеті – электоралдық міндеттемелердің орындалуына жүйелі бақылауды қамтамасыз ету.
Сондай-ақ өзекті бағыттардың қатарында мемлекеттік органдардың азаматтардың өтініштеріне тиянақты қарап, сапалы жұмыс істеуіне, бюджет қаражатын жұмсаудың тиімділігіне мониторинг жүргізу сияқты тағы да басқа мәселелер бар.
Партия жанындағы Сыбайлас жемқорлыққа қарсы іс-қимыл жөніндегі республикалық қоғамдық кеңестің де жұмыс кестесі мен жаңа құрамы бірінші отырыста бекітілді.
– Сыбайлас жемқорлық – бұл пара беру мен пара алу ғана емес. Өз міндеттеріне немқұрайлы қарау және бюджет қаражатын тиімсіз жұмсау да соның көрінісі. Онымен барлық шараларды қолдана отырып күресуіміз қажет, – деді Ерлан Саиров.
Бұған дейін «Nur Otan» Төрағасының бірінші орынбасары Бауыржан Байбек өзінің Facebook-тегі парақшасында билеуші партияның өзінің сайлауалды уәделерін іске асыруды қалай қамтамасыз етуге ниетті екенін айтқан болатын.
Оның айтуынша, Елбасы, партия Лидері Нұрсұлтан Назарбаевтың тапсырмасы бойынша, сондай-ақ ел президенті Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асыру аясында партияның қоғамдық кеңестерінің жұмысы жүйелі түрде қайта құрылымдалады.
Саяси кеңес Бюросының шешімімен таратылған партиялық кураторлар институтының орына «Nur Otan»-ның сайлауалды бағдарламасының нақты бағыттарының іске асырылуын бақылау бойынша 14 республикалық қоғамдық кеңес құрылды. Осындай кеңестер өңірлік деңгейде де құрылады.
Кеңестердің жұмысы қоғамдық пікірді ескеріп, сондай-ақ партияның қоғамдық қабылдау бөлмелеріне ел көлемінде азаматтардан түскен өтініштерге жасалған талдауға негізделе отырып, жария түрде жүргізіледі.
Сонымен қатар, Бауыржан Байбек «Nur Otan» кеңестерінің алдында сарапшылар қауымдастығын өткір әлеуметтік мәселелерді ашық талқылауға тарту, сондай-ақ азаматтық бастамаларды қолдау міндеті тұрғанын атап өтті.
Сания
ұр Отан мықты саяси күшке айналып, нақты жұмыс көрсетті
Сауле
Нұр Отан партиясына сенуге болады, қиын кездерде де өздерін халық жағынан көрсете білді
Олжас
Барлық қаражатты дұрыстап қарастыру керек. Қайда кетіп, қайда бөлініп жатқанын. Қаражатты бақылауда ұстаса кемшілікті жоюға үлкен пайдасын тигізеді.
Гульбану
Елдегі орын алып жатқан барлық проблемаларды қамтыды
Толеген
Нұр Отан нақты нәтиженің, ілкімді істің партиясы атанып, елдің көңілінен шыға білді.
Даулет
Нұр Отанның жаңа бастамаларын қолдаймын
Жулдыз
Артур Платонов маңызды мәселелерді көтереді және ең бастысы, шешімін ұсынады. Менің ойымша, ол Қазақстанның әлеуметтік саясатын жақсартуға үлкен үлес қосады. Ол жаңа ғана жұмыс істей бастады. Бұл іске асырылсын.
Жазира
Немесе «Нұр-Отан» журналистерді олардың тиімділігіне күмән тудырмайтындай етіп тартады.
Жанна
Менің ойымша, бұл дұрыс шешім. Қазіргі уақытта вакцинация ел үшін ең маңызды міндет болып табылады, ал министрлік сәтсіздікке ұшырайды.
Бауыржан
Вакцинация қазір ел үшін ең маңызды, партияның қатысқаны жақсы