Әнші Нұрлан Албан өзіне жуырда ғана мемлекеттік қызметке орналасқан жасы кіші танысы хабарласып, доқ көрсеткенін, соңғы уақыттағы белсенділігіне байланысты ескерту жасап, әлеуметтік желідегі жазбалары туралы сын айтқанын жеткізді.

Нұрлан Албан өзіне хабарласқан танысының аты атамай, оны шартты түрде "шолақ бастық" деп оған жауап береді.

Әнші танысына соңғы уақыттағы белсенділігіне араласпауын, "болашағыңызды ойламайсыз ба" деп қорқытуға тырыспауын талап етеді. Әнші тек балаларының болашағы үшін ғана алаңдайтынын, тіпті меемлекет қайта тартып алатындай мемлекеттен атақ-даңқ, марапат, үй алмағанын жеткізген. "Азар болса, кредиттегі үйімді аларсың" деген ол таныс інісіне өміріне қол сұқпауын талап етеді.