БҰҰ Израиль мен Ливан арасындағы 10 күндік атысты тоқтату келісімін құптап, барлық тарапты бітімді толық сақтауға шақырды.
Ұйым басшылығы бұл келісім аймақтағы қақтығысты тоқтатуға және бейбіт келіссөздерге жол ашуға мүмкіндік беретінін атап өтті.
БҰҰ мәліметінше, қақтығыс салдарынан мыңдаған адам қаза тауып, миллиондаған тұрғын үйлерін тастап кетуге мәжбүр болған. Ұйым бейбіт тұрғындардың қауіпсіздігіне ерекше назар аударып, гуманитарлық жағдайды тұрақтандыру қажеттігін айтты.
Сонымен қатар БҰҰ бітімнің уақытша екенін ескертіп, тараптарды ұзақ мерзімді саяси келісімге келуге шақырды. Ұйымның пікірінше, тек диалог арқылы ғана аймақта тұрақты бейбітшілік орнайды.
