Қытайдың солтүстік-батысындағы Нинся аймағында жолаушылар автобусы кенеттен өртке оранды, - деп хабарлайды ССTV.
Өрт салдарынан 14 адам өртеніп кетіп, тағы 31 жолаушы жараланды, деп хабарлайды Синьхуа агенттігінің Twitter желісіндегі парақшасы. Жараланғандар жергілікті ауруханаға жатқызылды. Инчуань қаласында кетіп бара жатқан көліктен тілсіз жаудың шығуына не себеп болғаны әзірге белгісіз. Оқиға орнында шұғыл тергеу амалдары басталды.
