Семей қаласының төтенше жағдайлар қызметі қала тұрғындарын шұғыл көшіруге дайын болуға шақырды, - деп хабарлайды «Қамшы» порталы.
«Ертіс өзеніндегі және Семипалатинка арнасындағы су деңгейінің күрт көтерілуіне байланысты Полковничий және Восточный елді мекендерінің Әбдуали, Жібек жолы, Ақжол көшелері, Ертіс өзеніне жақын тағы басқа көшелерін су алу қаупі артып отыр. Аталған аймақтарда тұратын қала тұрғындары шұғыл көшіруге дайын болуы тиіс. Құжаттарыңыз, ақшаларыңыз бен басқа да қажетті заттарыңызды әзір ұстауды сұраймыз» делінген ТЖД-і таратқан мәлімдемеде.
