Қытайда жер астында қамалып қалған 4 кенші 36 күннен кейін құтқарылды. Дәрігерлердің айтуынша, олардың өміріне қауіп төніп тұрған жоқ.
Құтқару операциясына мыңнан астам адам қатысыпты. Олар кеншілерді 200 метр тереңдіктен алып шыққан. Оқиға өткен жылдың желтоқсанында Шаньдун провинциясында болған еді. Ол кезде шахта опырылып, 1 адам ажал құшты. Артынша 11 қызметкер құтқарылған. Жер астында қалып қойған тағы 13 кеншіні табу әлі күнге дейін мүмкін болмай тұр.
