QUTTYQTAÝ
Ǵasyrlar bezbeninde halqymyzdyń qalyptastyrǵan qundylyǵyn eshqashan joımaıtyn, salt-dástúrler bar. Olardyń sanatynda aǵaǵa qarap ini ósip, ápkesine, jeńgesine qarap qyzy boı túzeıtin dástúrdi qazaqtyń árbir uly men qyzy boıyna sińirip ósedi. Bizdiń áýlet úshin de Bolat Áýjanuly aǵamyzdyń, Názgúl Bektursynqyzy jeńgemizdiń de oryndary erekshe. Búgin 50-jyldyq – altyn toılaryn ataǵaly otyrǵan bul otbasynyń izgilikke toly izderi, ǵylymı jetistikteri, shyǵarmashylyq tabystary, kúndelikti turmys-tirshilikgi úlgitutar tustary da aýyz toltyryp aıtarlyqtaı.
Jeńgemiz, mine, 46 jyl boıy úzdiksiz joǵary oqý oryndarynda, 33 jyl Abaı atyndaǵy Kazaq memlekettik pedagogıkalyq ýnıversıtetinde, 13 jyl İ.Jansúgirov atyndaǵy Jetysý memlekettik ýnıversıtetinde ustazdyq qyzmet atqaryp keledi. Profesor, 60-tan astam monografıalar men oqulyq, oqý quraldarynyń, 400-ge tarta ǵylymı maqalalardyń tólıesi. Eńbekteri AQSH (Nú-Iork), Ulybrıtanıada, Avstrıada, Polshada, Bolgarıada, Chehıada, Máskeýde, Sankt-Peterborda, Kıevta, Tomsk, Iaroslavl, Samara, Tambov, Taganrog, Cheboksaryda jaryq kórdi. Jaqynda ǵana, ústimizdegi jyldyń sáýir aıynda «Altyn qaýyrsyn» atty Reseıde ótken halyqaralyq ǵylymı jumystardyń baıqaýynda birinshi orynǵa ıe boldy.
Aǵamyz da eńbek jolyn ustazdyqtan bastap, keıin parıa, ákimdik baǵytynda halqyna qaltyqsyz qyzmet etti. Qazir zeınetkerlik demalysta bolǵanymen, shyǵarmashylyq jumystan qol úzgen joq. Birneshe tarıhı-tanymdyq kitaptar jazdy. Ózimiz qurmet tutatyn bul otbasynda qalyptasqan qasıet, ol, otbasy men otanasynyń arasyndaǵy meıirimge toly, aınalasyna shýaq shashatyn erekshe bir aýra. Aǵa-jeńgemizdiń osy jyldar ishinde birde-bir ret bir-birine daýys kóterip, artynan ilesken bizge óktem sóılep pendeshilikke boı aldyrǵanyn kórmeppiz.
«Tas tasta, altyn tasta synamaqqa,
Báribir aqqan ózen sol qalpynda», - dep, ustaz Ybyraı Altynsarın aıtqandaı, aǵa-jeńgemiz alǵan asýlaryn buldamaı, syrt kózge ózderin-ózi jarnamalamaı, barshylyqtan asyp-tasymaı, tipti, taǵdyrlary tarazy basynda teńselgen tustarynda jasymaı, adamı irilikten tómendegen kezderi bolǵan joq. Bul da bizder úshin, artynan ilesken ini-qaryndastary, kúıeýbala-kelinderi úshin úlgi-ónege.
Aǵa-jeńgemizge zor densaýlyq, ǵylymı, shyǵarmashylyq eńbekteriniń jemisti bolýyn, Jaratýshy syılaǵan árbir túnderiniń tynysh, kúnderiniń shýaqty tileımiz!
Týǵan-týystary
