QR Ulttyq ekonomıka mınıstri Qýandyq Bıshimbaev seısenbide ótken Úkimet otyrysynda eldegi shaǵyn jáne orta kásipkerlikti damytý jáne qoldaý jónindegi sharalar týraly aıtty, - dep habarlaıdy Qamshy.kz.
Mınıstrdiń aıtýynsha 2016 jyly qoldanystaǵy SHOB sýbektileriniń sany ótken jylmen salystyrǵanda 1,3%-ǵa ósti. Búgingi kúni elde 1 mln 302 myń 562 shaǵyn jáne orta kásipkerlik sýbektisi jumys isteıdi. Sondaı-aq, Bıshimbaevtyń derekteri boıynsha osy sektorda jumyspen qamtylǵandar sanynyń óskeni baıqalýda.
«2015 jyldyń qorytyndylary boıynsha SHOB sektorynda jumyspen qamtylǵandar sany 3 mln 146 myń 576 adamdy quraıdy, bul 2014 jylǵa qaraǵanda 2,8%-ǵa kóp», - dep habardar etti Mınıstr.
Bıshimbaev óńdeý ónerkásibindegi SHOB sýbektilerin jeńildetilgen qarjylandyrýǵa 200 mlrd teńge bólingenin atap ótti.
«Atalǵan qarajatty jańartý túrinde ornalastyrý esebinen 2016 jylǵy 1 maýsymdaǵy jaǵdaı boıynsha 260 mlrd teńgeden astam somaǵa 1353 SHOB jobasy qarjylandyryldy», - dep habarlady Bıshimbaev.
Bul jaǵdaı 740 mlrd teńge somasynda ónim shyǵarýǵa, 15700 jumys ornyn qurýǵa múmkindik berip, 66,8 mlrd teńge somasyna búdjetke salyqtyq túsimderdi qamtamasyz etýge múmkindik bergenin atap ótti
Sonymen qatar Bıshimbaev oń serpindi saqtaý úshin 2016 jyly qandaı jumys júrgiziletini týraly atap ótti.
«Daǵdarysqa qarsy 2016 jylǵa arnalǵan qosymsha sharalar sheńberinde SHOB-tyń aınalym kapıtalyna jáne qaryzdardy qaıta qarjylandyrýǵa BJZQ qarajattarynan 200 mlrd. teńge kóleminde SHOB qajettiligin qorlandyrý, sondaı-aq 65 mlrd. teńge kóleminde halyqaralyq qarjy uıymdarynyń qarajattaryn tartý kózdelgen» - dedi mınıstr.
Onyń aıtýynsha aǵymdaǵy jyldyń sońyna deıin 16,5 mlrd. teńge somasyna SHOB-tyń 34 jobasyna ınjenerlik ınfraqurylym júrgiziletin bolady.
Budan basqa SHOB-ty odan ári yntalandyrý úshin óńdeý ónerkásibi salasyndaǵy kásipkerlik sýbektilerin qarjylandyrý boıynsha qosymsha qoldaý sharalary pysyqtalýda.
«Túpkilikti qaryz alýshyǵa syıaqy mólsherlemesi 12,7%-dan aspaıtyn 155,3 mlrd. teńgeni baǵyttaý jáne mundaı kredıtterdi «Bıznestiń jol kartasy-2020» arqyly qunyn 5%-ǵa arzandatý josparlanýda» - dedi mınıstr.
Sóz sońynda, Bıshimbaev aǵymdaǵy jyly qurylysqa kredıtter men ruqsattar alǵan, syrtqy ekonomıkalyq qyzmet júzege asyrylǵan kezde, bankrotqa ushyraý jáne kásipkerlik sýbektileriniń ońaltý rásimderin jetildiretin jaǵdaıdy jaqsartýdy kózdeıtin zańnamaǵa túzetýlerdiń kezekti toptamasy pysyqtalyp, jónindegi bolatynyn atap ótti.
