«31 arna» 21 maýsymnan bastap dúısenbi men juma kúnderi aralyǵynda 16.00-de qazaqstandyq «Syrǵalym» telehıkaıasyn usynady, - dep habarlaıdy Qamshy.kz.

«Syrǵalym» – aýyldan qalaǵa kelgen qarapaıym qyz týraly hıkaıa. Kútpegen qonaq qalada turatyn otbasynyń qalypty daǵdylary men oı júıesine tolyqtaı ózgeris ákeledi.  

Basty keıipker Jantóre Atabaevtyń otbasy – qazirgi zamanǵy qazaq otbasynyń jarqyn úlgisi. Onyń uldary men kelinderine, nemerelerine qarasańyz, zamanǵa laıyqty qazaqstandyq jastardy kóresiz, sondaı-aq ózine tán qıyndyǵy men mindetteri, tilek-qalaýlary bar orta býyn men ata-baba danalyǵy men ulttyq dástúr-saltty ustanǵan úlken býyn taǵy bar. Alaıda, januıada áke men balalar arasyndaǵy kelispeýshilik týyndaıdy. Sol kezde olardyń úıine Syrǵalym esimdi qutqarýshy keledi (Syrǵalymnyń rólin Juldyz Mahanova somdaıdy). Onyń ómiri aıtarlyqtaı ońaı emes, hıkaıanyń jaǵymsyz keıipkerleri ony aıaqtan shalýǵa tyrysady, mańyndaǵy áıelderdiń oılaıtyny qastyq, tipti otbasyndaǵy úsh uldyń bireýi ony úıden qýyp shyqqysy keledi. Áýlettegi qupıalar, týystar arasyndaǵy kıkiljińder Syrǵalymdy aınalyp ótpeıdi. Sol úshin kórermender keıipkergen qazaqtyń Kúlbıkeshi degen at berip úlgergen.

Bul telehıkaıada qazaq tiliniń kórkemdigi men tazalyǵyna erekshe mán berilgen (fılm orys tilindegi sýbtıtrlarymen). «Onyń sebebi, - deıdi hıkaıanyń avtory jáne prodúserleriniń biri Rashıd Súleımenov, - fılm jasaýshylar eń aldymen qazaq tilin nasıhattaýdy maqsat tutqan. Telehıkaıa sújetine qala men aýyldyń birigýi, etnostyń bir jerge shoǵyrlanýy sıaqty ózekti máseleler negi bolǵan. 

Kartınany jasaýshy – osyǵan deıin birneshe tabysty jobalarmen tanylǵan «Kórkem fılm» kınokompanıasy. Hıkaıa avtorlarynyń aıtýynsha, ony túsirýge kólemi 1000 sharshy metr bolatyn táýelsiz Qazaqstan tarıhyndaǵy eń qymbat dekorasıalar daıyndalǵan eken. 2014 jyldyń qorytyndysy boıynsha, telehıkaıa bizdiń eldiń eń úzdik fılmi, al kórermender Juldyz Mahanovany eń úzdik aktrısa dep atady. 

Alǵashqy maýsymy prokatta úlken tabysqa ıe bolǵannan keıin, avtorlary kartınanyń ekinshi maýsymyn túsirdi. Onda basty keıipker óz otbasyn qurady, mansabyn jolǵa qoıady, sonymen birge kúıeýimen qarym-qatynasyn saqtap qalýǵa tyrysady.  Árıne, shańyraqty shaıqaltpaı ustaý úshin túsinistik, tózim jáne súıispenshilik qajet.

Aıta keterligi, Syrǵalym rólin somdaıtyn aktrısa juldyz turmys qurmaǵan. Shetel tilder ýnıversıtetiniń halyqaralyq qatynastar mamandyǵyn támamdaǵan boıjetken shyǵarmashylyq otbasynda ósken, ákesi – televızıa rejıseri, aǵasy – M.Áýezov atyndaǵy drama teatrynyń akteri. Boıjetken osyǵan deıin bir-eki kınojobaǵa, sonyń ishinde «Jaýjúrek Myńbala» fılminiń epızodtyq róline túsip úlgergen. Kishkene kúninen ul balalarmen fýtbol oınap, dop qýyp ósken qyzǵa aýyldan kelgen ıbaly qyzdyń rólin somdaý alǵashynda ońaıǵa soqpaıdy.  Alaıda aktrısa men keıipkeriniń uqsas qasıetteri bar. Ol – erik-jiger, ónegeli tárbıe jáne úlken eńbekqorlyq.  

   21 maýsymnan bastap dúısenbi – juma kúnderi 16.00-de 31 arnadan tamashalańyzdar.   

Otyz birinshi arna – tańǵaldyratyn, shabyt pen meıirim syılaıtyn, qyzyqty, qaýipsiz, búkil otbasyna arnalǵan ulttyq oıyn-saýyq arnasy. Arnanyń urany – «Otbasymen birge kóreıik!».