Amlatydaǵy «Aqkent» turǵyn úı kesheninen shý shyqqaly biraz bolǵan. Alaıaqtarǵa aldanǵan keshen turǵyndary baspanalaryn sot sheshimimen bosatýǵa májbúr, - dep habarlaıdy Qamshy.kz 31-arnaǵa silteme jasap.
Sot oryndaýshylar turǵyndardyń úılerin májbúrlep bosatýdy bastady. Almatynyń Aqkent yqshamaýdanynyń turǵyndary jan ushyra kómek suraǵanmen, tártip saqshylary men arnaıy jasaq qyzmetkerleri eshkimdi tyrp etkizbedi. Al páterin qorǵaımyn dep shyrqyraǵan bir azamattyń aıaǵy jaraqattanyp, taǵy biriniń tynysy tarylyp, aýrýhanaǵa tústi.
- "Aıt Haýzıng" ne vladeles etoı kvartıry.
Bul birneshe jyl boıy aqshasyn tólep, turyp kele jatqan baspanasyn berýge qarsylasqan turǵyndardyń ashýy. Turǵyn úılerdiń kire beristerin tártip saqshylary kúzetip turdy. Kirgender shyǵa almaıdy, shyqqandar kire almaıdy. Tańerteń keletinin eskertip, tús aýa jańbyr basyla saý etip jetken sot oryndaýshylar eshkimniń ótinishin eleıtin emes. Qoldarynda sot sheshimi, úıdi bosatý kerek. Bul ýshyqqan baspana máselesi Aqkenttegi júzdegen turǵynǵa ortaq muń bolyp otyr.
MANAT JOLDYBAEVA, Aqkent yqshamaýdanynyń turǵyny:
- My grajdane Respýblıkı Kazahstana. My otstaıvaem svoe edınstvennyı jıle. Pochemý seıchas na nas prıvelı omonov, my kak prestýpnıkı. Za chto? My zaplatılı polseny. My vzálı chestno. My hotım platıt. Ne govorım chto my ne býdem platıt.
Sot oryndaýshylar men "Aıt Haýzıng" kompanıasynyń talabyn estip, qarsylyq bildirýge tyrysqan kelinshektiń densaýlyǵy nasharlap, jedel-járdem qyzmeti alyp ketti. Páter esigin ashpaımyn dep saqshylarmen aıqasyp, aıaǵyn jaralaǵan bul jigit úı baǵasynyń seksen paıyzyn ótegenin aıtady. Turǵyndar ótinishi - tegin turý emes, ýdaı qymbat aılyq tólemniń somasyn azaıtyp, kelisim-shartty qaıta jasaqtaý. Al kompanıa zańgeri buǵan deıin keshirim jasalyp kelgenin aıtady.
GÚLJAN ZAPRONOVA, "Aıt Haýzıng" kompanıasynyń zańgeri:
- Iá, biz kóp adamdardyń tólemin uzartyp berdik. Erikti túrde kelip, aqshanyń bir bóligin tólegender bar. Múmkindik boldy. Biz ıpotekalyq uıym emespiz ǵoı, adamdar suraǵandaı 10-20 jylǵa sozatyn. Qaryzy bar úıler bosatylady.
Al taǵy bir turǵyn, 6 jyldan beri 15-úıde turyp kele jatqan jalǵyz basty ana páteriniń esigin eriksiz ashyp berdi. Otbasyna zattaryn jınap, tasyp áketýge ǵana ýaqyt berildi. Kóz jasyna ıe bola almaǵan ol túrik kompanıasymen aqyryna deıin sottaspaq.
ÁLIA QARATAIQYZY, Aqkent yqshamaýdanynyń turǵyny:
- Est vot ý mená jaloba na nıh. Ona vstýpıla v sılý. No eto sýda ıspolnıtel govorıt ıa takoı ne polýchal. On vse eto polýchıl. Eto po zakoný. Ia v sýd podala. Onı ne ımeet pravo mená vyselát.
MANAS QAIYRTAIULY, Tilshi:
- Qazir jıyny 127 páterdi bosatý týraly sot sheshimi shyǵyp, 35 páterdiń isi qaralyp jatyr. Al kómek suraımyz dep polısıadan eskertý alǵan, qansha mıllıon teńge tólegen páterimdi bosatpaımyn dep aıaǵyn jaralaǵan, kóz jasy kól bolyp sot oryndaýshylarǵa eriksiz esigin ashyp bergen turǵyndarǵa "Úıden eshkim shyǵarylmaıdy" dep buıryq bergen Baýyrjan Baıbek, birde-bir ákimdik qyzmetkerleri arasha túsip kelmedi.
