Jer komısıasynyń otyrysynda Almaty oblysy ákiminiń orynbasary Serikjan Beskempirov osylaı dep málimdedi, - dep habarlaıdy Qamshy.kz.

«Almaty oblysy ákimi Amandyq Batallovtyń Qytaı halyq respýblıkasyna sapary barysynda balamaly energıa kózderin damytý, saýda-sattyq, «Jibek joly beldeýin» damytý syndy birqatar máseleler boıynsha kelisimder jasaldy. Oblys pen Qytaı eli arasynda jerge qatysty eshqandaı kelisimge qol qoıylǵan joq», - dedi S. Beskempirov.

Sondaı-aq, oblys basshysynyń orynbasary oblys aýmaǵyndaǵy aýylsharýashylyǵy jerleriniń jaǵdaıyna toqtaldy.

«Almaty oblysynda aýylsharýashylyq jerleriniń 93,7 paıyzy paıyzy jalǵa alý quqyǵymen paıdalanylýda. Menshik quqyǵymen paıdalanylatyn jer kólemi 547,6 myń gektar», - deıdi ol.

Oblystaǵy jalpy aýylsharýashylyǵy maqsatyndaǵy jer kólemi 8 mln 632 myń gektardy quraıdy. Ol jerlerde 61 myń sharýashylyq sýbektileri jumys isteýde.