Алматыдағы «барахолкада» өрт қауіпсіздігін сақтамаған базарлар жабылады

/uploads/thumbnail/20170708152749683_small.jpg

Алматы қаласының төтенше жағдайлар департаменті өрт қауіпсіздігін бұзған 25 лауазымды және 21 заңды тұлғаны әкімшілік жауапкершілікке тартып, оларға 1 млн 300 мың теңге айыппұл салды. Бұл туралы бүгін өткен брифингте Алматы қалалық ТЖД мемлекеттік өрт бақылау бөлімінің басшысы Айдос Нүсіпбаев мәлім етті, деп хабарлайды BNews.kz тілшісі.

«2013 жылы Алматы қаласының Солтүстік айналма жол көшесінде орналасқан 26 базардың барлығын тексеріп, өрт қауіпсіздігін бұзғандарды әкімшілік жауапкершілікке тарттық. Бұған қоса, 25 лауазымды және 21 заңды тұлға әкімшілік жауапкершілікке тартылып, оларға 1 млн 300 мың теңге айыппұл салынды. Барлық 26 базардың жұмысын тоқтату туралы талаптар Алматы қалалық ауданаралық экономикалық сотына жіберілді», - дейді Айдос Нүсіпбаев. 2013 жылы берілген сот талаптары әлі жарамды, алайда, олар орындалған жоқ дейді департамент мамандары. Өрт қауіпсіздігін қалпына келтірмеген базарлардың жұмысы сот тәртібімен тоқтатылады.

Bnews.kz

Алматыдағы «барахолкада» өрт қауіпсіздігін сақтамаған базарлар жабылады

Қатысты Мақалалар