Астанада ЕҰУ Ғылыми кітапханасында Алаш-Орданың 100 жылдығына байланысты ғылыми конференция өтіп жатыр деп хабарлайды Qamshy.kz.

Осы жылы жалпыұлттық Алаш партиясы мен Алашорда үкіметінің құрылғанына 100 жыл, 100 мыңнан астам отандасымыздың өмірін жалмап, тағдырына балта шапқан жаппай саяси қуғын-сүргінге 80 жыл толады.

Осыған орай «Ұлттар келісімі» ҚҚ және Л.Н.Гумилев атындағы Еуразия ұлттық университеті жанындағы  «Алаш» мәдениет және рухани даму институты»,  «Отырар кітапханасы» ҒО, Азаматтық бастамаларды қолдау орталығының бастамасымен баспасөз-конференциясы өтіп жатыр.

Конференцияға Алаш қозғалысы және саяси репрессияларды зерттеп жүрген ғалымдар: ф.ғ.д., профессор Т.Жұртбай, т.ғ.д., профессор З.Е.Қабылдинов, филология ғылымдарының кандидаты С.Аққұлы, ф.ғ.д., профессор С.Жұмағұл, саясаттанушы Берік Әбдіғали, ф.ғ.к. доцент Қ.Кемеңгер және репрессияға ұшыраған алаш боздақтарының ұрпақтары қатысты.

Баспасөз-конференцияға қатысушы ғалымдардың арнайы тақырыптарда жарық көрген кітаптары, сонымен қатар Әлихан Бөкейханның 15 томдық шығармалар жинағының тұсауы кесілді. Конференция аясында БАҚ өкілдері және баспасөз конференциясына қатысушылар 2017 жылы бұл бағытта жүргізілетін шаралармен танысты.

Конференция туралы толықтырылған ақпарат алдағы уақытта жарияланатын болады.