Американың Нью-Йорк штатында ерлі-зайыпты Хизер және Эрнест Франклиндер «Теңіз жағалауындағы Манчестер» фильмін көргеннен кейін асырап алған балаларын өлтіргендері үшін айыпталды, деп хабарлайды Қамшы ақпараттық агенттігі, New York Daily News газетіне сілтеме жасай отырып.

Ерлі-зайыптыларға адам өлтірді және дәлелдерді жойды, үй өртеді деген айыптаулар тағылып отыр.

Аймақтық прокурор Джозеф Макбрайдтың айтуынша, қылмыс жасалардан бір-екі сағат бұрын «Теңіз жағалауындағы Манчестер» фильмін көрген екен. Фильмнің сюжеті бойынша бас кейіпкер Ли Чендлер өз үйін байқаусыз өртеп жібергенде, үйдің ішінде үш баласы қалып қояды. Және осы ісі үшін оған айыптаулар тағылмайды.

«Ол(Хизер Франклин) белгісіз себептерге байланысты Шенанго мен Делавар округтеріне барып қайтқан. Және өрт сөніп болғанша үйге қайтып келмеген», - дейді прокурор. Хизер Франклиннің өзі ол уақытта дүкен аралағанын айтқан. Олардың асыранды балалары Джеффри ішек ауруларымен ауырған. Оның анасы Facebook парақшасында баласының ауру екендігін жазған. Тергеу нәтижесінде баланың өрттен бұрын өлгендігі белгілі болған. Бірақ өлімнің нақты себебі анықталмаған.