Vanguard Nigeria мерзімді басылымының хабарлауынша, Нигерияда аса қатыгездігімен танылған қылмыс орын алған. Иджебу-Ода қаласында Жүсіп Амзат Сәлем есімді 35 жастағы имам әрі шейх пен оның әйелін және төрт баласын өлтіріп кеткен, деп жазады Қамшы ақпараттық агенттігі islam.kz басылымына сілтеме жасап.
Имам мен оның әйелінен басқа 11 жастағы қызы, 8 жастағы егіз ұлдары және 2 жастағы нәрестені шіміркпей пышақтап өлтіріп кеткен. Қазіргі уақытта полиция қаныпезер қылмыскерді іздестіріп жатыр. Қылмыскердің аты-жөні, тұр-тұлғасы, тұрғылықты жері және мұндай қадамға не үшін барғаны әзірге белгісіз. Ал елдің сөзіне қарағанда, Нигерияда мұсылмандарға христиан радикалдары жаулық көзқараста, тіпті, христиан содырларының мұсылмандарды жаппай қырып жатқанын да хабарлаған едік. Ал марқұм имамды танитындардың айтуынша, имам сабырлы әрі мейірімді жан болған.
