Бүгін математикадан XVII Батыс Қытай олимпиадасының жабылу салтанаты өтті. Аталмыш олимпиада 11-16 тамыз аралығында ҚХР-дың Сычуань елді мекеніне қарасты Наньчун қаласында өтті деп хабарлайды Qamshy.kz ақпарат агенттігі Астана әкімдігінің баспасөз қызметіне сілтеме жасай отырып.
Олимпиадаға Қытай, Индонезия, Филиппин, Сингапур және Қазақстан елдерінен 345 жас математик қатысты. Қазақстанның құрама командасы атынан дарынды балаларға арналған мамандандырылған мектептің 4 оқушысы қатысты.
Олимпиада қорытындысы бойынша, Астана құрама командасының қоржынында 4 алтын медаль бар. Алтын медальға ие болғандардың бірі – Астана қ. «Бiлім-инновация» лицей-интернатының 10-сынып оқушысы Құдайберген Әлихан жарыс барысында бәрінен озып, жоғары нәтиже көрсетті.
