Бүгін Алматыда Мұхтар Әуезов атындағы драма театрында қалалық әкімдіктің ұйымдастыруымен елімізге белгілі актер Құман Тастамбековпен қоштасу рәсімі өтті, деп жазады Qamshy.kz ақпарат агенттігі.
Қоштасу рәсіміне Алматы қаласының әкімі Бауыржан Байбек, Асанәлі Әшімов бастаған өнер жолындағы қайртакерлер мен зиялы қауым түгел жиналды.
Бірнеше күн бұрын «Қыз Жібек» фильмінде Төлегеннің рөлін сомдаған актер Құман Нұрмағанұлы Тастамбеков көз жұмды.
Айта кетер болсақ, Құман Тастамбековтың ең алғаш сомдаған рөлі — Қыз Жібек фильміндегі Төлеген образы. Осы фильмнен кейін ол бүкіл қазаққа Төлеген ретінде танымал болды. Бұдан кейін де ол көптеген фильмдерге түсті және театр сахнасында да түрлі образдарды сомдады. Ол «Қазақстан Ленин комсомолы» сыйлығының иегері атанып, «Құрмет» орденімен марапатталған.
