Моноқалаларды дамыту туралы мемлекеттік бағдарламаны жүзеге асырған уақыттан бері, Атырау облысының Құлсары қаласында жалпы құны 656 млн теңге тұратын 8 жоба, құны 18 млн тұратын 6 грант қаржыландырылған. Бұл туралы Қамшы порталы Айқынға сілтеме жасай отырып хабарлайды.

Жалпы, Құлсары қаласында «Зәкірлі» ин­вестициялық жобаларды жүзеге асыру үшін 3 жоба енгізілген. Бірінші, «Каспий Сер­вис-Е» серіктестігінің жылына 84 мың тон­на әк (известь) шығару зауыты. Бүгінде зауыт­тың кірме пункті мен шарбағы са­лын­ды, әкімшілік ғимараты тұрғызылып, әк шығаратын құрал-жабдықтары әкелінді. Екін­ші, «Эко-Техникс» ЖШС-ның 12000 тек­ше метр мұнайшламды қайта өңдеу бойын­ша өндірісті жаңғырту жобасы. Кә­сіпорынның 2014 жылға жоспарлы қуаты – 3000.0 мЗ. Үшінші, «Металл Продукт» ЖШС-ның жылына 30,0 мың тонна металл жай­маларын шығаратын (арматура, бұ­рыш­тама, швеллер) комбинаты. Ком­би­нат­тың жоспарлы қуаты – 600 тонна. 

«МеталлПродукт» ЖШС. «РВ-32» мар­ка­лы арматура, швеллер (Р100-140), бұ­рыш­тама (Р45-75), т.б. металл бұйымдары дайын­далатын комбинатта жылына 30,0 мың тонна көлемінде өнім өндіріледі. Жо­баны қаржыландыру мақсатында «Атырау» әлеу­меттік-кәсіпкерлік корпорациясы ар­қылы 365,0 млн. теңге қаржы қаралған. Кә­сіпорында 130 адам тұрақты жұмыспен қа­м­тылған. Былтыр осында жоспарланған 600-дің орнына 2500 тонна металл жай­ма­ла­ры, құрылыс саласы аса ауқымды сұра­ныс тудырып отырған арматураның түрлі қа­лыңдықтағы түрлерін шығарады. Өнді­ріл­ген өнімнің қоймада тау болып үйіліп жат­қан кезі жоқ. Аларман мен арадағы ке­лісімнің, одан қалса сұраныстың аса ау­қым­дылығына байланысты өтімділігі тез. Ішкі нарықтағы сұранысты толық қанағат­тандырылып жатса, ЕЭО, қала берсе алыс-жақын шетелдерге шығу да ойда бар. Мұн­да өндірістегі қолданыстан шыққан металл қал­дықтары балқытылып, жаңа тауарға ай­налдырылады. Құлсары қаласы әкімінің орын­басары Еркебұлан Аққұсов қала 
бойын­ша үш якорлық жоба жұмыс жасап тұр­ғанын, соның бірі осы «Металлпродукт» ком­паниясы. Бұл компанияның халыққа пай­дасы ашылғалы бері 130 адам жұмыспен қам­тып, Құлсары қаласының әлеуметтік-эко­номикалық дамуына үлкен үлес қосып отыр. 
– Металлургиялық зауытқа шикізат жет­кілікті. Ал атқарушы билік аймақтағы ірі кәсіпорындармен ұзақмерзімді келісі­м­­ш­артқа отыруға мұрындық болған. Қазір тауардың басым бөлігін біріккен кәсі­п-орындар мен жергілікті тұтынушылар сатып ала­ды, – дейді Еркебұлан Аққұсов. Ал атал­­­мыш зауыт директоры Бауыржан Сұл­танов зауыттың ерекшелігі сырттан тасы­мал­дау емес, іштегі нарықты өзіміздің өні­­­мімізбен, отандық өнімді өзгелерге ал­дыру­да деген ойға басымдық береді. 
– Біздің зауыттың ерекшелігі, біз шикі­зат ретінде қарапайым металл қалдықтарын пайдаланамыз. Осы уақытқа дейін облыс­тың барлық металл қалдықтары Ресей, Қы­тай, Еуропаға жіберіліп, одан кейін біз 5-6 есе қымбат бағаға олардан жасалған өнім­дерді сатып алып жүрдік. Көптеген қар­жы негізгі көз ол өзіміздің жеке қаржы­мыз, ал оның тағы бір бөлігін лизингпен ал­дық. Ал құрал-жабдық шетелден, яғни Үн­дістаннан алынған. Әзірге құрылыс сек­торының қомақты бөлігін құрылысқа қа­жет­ті металл өнімдерімен қамтамасыз етіп отырған бірегей зауытқа жалпы құны 1 млрд 300 млн теңге инвестиция салынған. Әзір­ге 5 түрлі металл өнімдері өндіріліп жа­тыр. Бастысы өндірілген өнім жоғары сұ­ра­нысқа ие әрі жергілікті халықтың әл-ахуалын көтеруге де айрықша әсер етіп отыр, – дейді Бауыржан Сұлтанов. 
Өндірістегі көлемі шектеулі металды әлем­дік тұтынудың күрт өсуі тапшылыққа және күрт қымбаттауына алып келді. Арзан ме­талл сынықтарының жеңіл алынатын қо­ры, негізінен, таусылды. Осыған байла­ныс­ты металл, жоңқа сияқты қалдық түр­ле­рі экономикалық тартымдылыққа ие бо­ла бастады. Әрине, жоңқаны қайта өңдеу мә­селесі кеше де қолданыста болған, бірақ он­да қажетсіз қалдықты пайдалану емес, одан құтылуды көздейтін. Мұның себебі бас­­тапқы металл бағасының барынша тө­мен болуы, балқыту орындарына тасымал­дау шығындарының жоғары болуы, са­па­сы­ның төмендігі мен жоңқалардың ла­­­­с­тығы, сондай-ақ балқыту кезіндегі жа­ғым­­сыз иіс. 
– Соңғы жылдары әлемде металды пай­да­ланудың тұрақты өсу үрдісі сақталуда. Бұл жағдай, әрине, шикізат бағасының өсуі­нен байқала бастады. Сондықтан ме­тал­ды қайта өңдеуге инвестициялар салу өзек­ті болуда. Алайда проблемалар да бар. Бі­рін­ші кезекте, мерзімі өткен металы көп бұйымдар мен конструкцияларға деген сұ­раныстың өсуі. Осыған байланысты ши­кізат базасын толықтыру объектісі ретінде өң­делген металл қалдықтары – металл жоң­қаларға басымдық беріле бастады. Өнер­кәсіптік металл алу үшін жоңқаны ши­кізат ретінде пайдалану көп жылдар бойы экономикалық жағынан орынсыз бо­лып келді. Оның бірнеше себептері бар. Бі­ріншіден, металға қажеттілік, нәтиже­сін­де шикізаттың бағасы тым төмен болды. Екіншіден, металл жоңқаларының лас­ты­ғымен сипатталады. Салдарынан, қайта өң­деу шығындары балқытылған металдан алын­ған өнімді сатумен өзін ақтай алады. Алайда бүгінде жағдай түбірінен өзгерген. Жаңа кәсіпорынның қуаты жылына металл сынықтарын 30 мың тонна өңдеуге мүм­кін­дік береді. Зауыттың жаңалығы – ме­талл қалдықтарын қайта өңдеп, оны кәдеге асыру­да. Іс жүзінде барлық отандық метал­дар және олардан жасалған бұйымдар экс­порт­талады өндірілетін және өндірістік шет­елде жоғары айырбастау болып табы­ла­ды, – дейді Бауыржан Сұлтанов.