Құрметті өнерсүйер қауым! Сіздерді заманауи қазақ кескіндеме өнерінің жарқын өкілі, Әбілхан Қастеев атындағы Ұлттық өнер музейінің алтын қорына туындылары енген белгілі суретші әрі тәжірибелі ұстаз Омархан Құмардың «Ұлы рух» атты жеке көрмесін тамашалауға шақырамыз. Өз шығармашылығында дәстүрлі реалистік мектеп пен жаңаша ізденістерді тоғыстырған қылқалам шеберінің бұл кеші – нағыз жоғары деңгейдегі рухани іс-шара болмақ.

Көрменің басты ерекшелігі – ұлт қайраткерлері мен батырлардың бірегей портреттер галереясы. Мұнда Жошы хан, Сұлтан Бейбарыс, Бауыржан Момышұлы сынды тарихи тұлғалардың асқақ рухымен қатар, суретшінің жақындарына деген ыстық ықыласынан туған лирикалық отбасылық бейнелер мен қазақ даласының сұлулығын паш ететін табиғат этюдтері де көрермен назарына ұсынылады.
Тұңғиық ой мен шынайы сезім ұялататын ерекше атмосфераны жіберіп алмай, өнер кешінің қонағы болыңыздар! Көрме 2026 жылдың 11 маусым күні сағат 16:00-де Әбілхан Қастеев атындағы ҚР Ұлттық өнер музейінде ашылады. Мекенжайымыз: Алматы қаласы, Көктем-3 шағын ауданы, 22/1.  Өнермен бірге тыныстайық!