Ресей-Украина соғысы: Елшілік азаматтарымызды Украина аумағынан кетуге шақырды

/image/2024/09/05/crop-29_6_659x1171_i-4.webp

Қазақстанның Украинадағы елшілігі ел азаматтарын Украина аумағынан кетуге шақырды. Бұл туралы елшіліктің ресми телеграм арнасында жазылған.

"Украинаның барлық аумағында азаматтық инфрақұрылым мен мемлекеттік нысандарға шабуылдардың күшеюіне байланысты Қазақстан Республикасының Елшілігі өз азаматтарын Украинаға барудан бас тартуға, ал елде жүргендерді әуе шабуылы сигналдарына мұқият мән беруге және баспаналарда мен бомба баспаналарында болуға шақырады"- делінген хабарламада.

Сонымен қатар, елшілік Украинадағы қазақстандықтарға Украина аумағынан кету жағын қарастыруды ұсынды. Елшіліктің хабарлауынша, Қазақстан азаматтары Польша немесе Молдова аумағы арқылы Украинадан шығып, одан кейін коммерциялық әуе қатынасын пайдалана алады.

Айта кетейік, 3 қыркүйекте Ресей әскері Украинаның Полтава қаласына шабуыл жасап, 51 адам қаза тапқан болатын.

Ресей-Украина соғысы: Елшілік азаматтарымызды Украина аумағынан кетуге шақырды

Қатысты тегтер :

Пікір қалдыру

Қатысты Мақалалар