Астанада аяз күшейді, қауіпсіздік үшін 10 қала маңы бағыты уақытша тоқтатылды. Қала сыртын бетке алған тұрғындар маршрут жоспарын қайта қарағаны дұрыс.

Қай бағыттар жүрмейді?

City Transportation Systems (CTS) 13 қаңтар кешінде мына қала маңы бағыттарының қозғалысын уақытша тоқтатты: 305, 308, 309, 310, 312, 315, 316, 327, 328, 329.

«Қалған қала маңы бағыттары қатынап тұр», – деп хабарлады компания.

Қазір ауа райы қандай?

Қалада шамамен -18°C аяз тұр, түнде -28…-30°C, ертең күндіз -21…-23°C болмақ. Бұлт арагідік сейіледі, жауын-шашын күтілмейді.

Түнде және таңертең тұман түсуі мүмкін, жолдарда көктайғақ сақталады. Жел солтүстік-шығыстан 9–14 м/с соғады.

15–16 қаңтардың болжамы

Синоптиктер 15–16 қаңтарда да жауын-шашынсыз, аракідік бұлтты ауа райы сақталатынын мәлімдеді. Түнде -26…-28°C, күндіз -20…-22°C күтіледі. Жел солтүстік-шығыстан 9–14 м/с соғады.

Қауіпсіздік үшін жолға ерте шығуды, қосымша киім алуды және балама көлік нұсқаларын қарастыруды мамандар ұсынады.

Бұл туралы Qamshy.kz ақпарат агенттігі хабарлайды.