Prezıdent Nursultan Nazarbaev Ulttyq qaýipsizdik komıteti tóraǵasyn qabyldady, - dep habarlaıdy Qamshy.kz Aqordanyń Týıtterdegi paraqshasyna silteme jasap.

Kezdesý barysynda UQK tóraǵasy V. Jýmaqanov Memleket basshysyna Aqtóbe oblysyndaǵy lańkestikke qarsy arnaıy operasıanyń aralyq nátıjeleri týraly baıandady.

UQK tóraǵasynyń aıtýynsha, qazirgi ýaqytta lańkestik toptyń 13 adamy joıylyp, 14-i jaraqattanǵan. Sonymen qatar, lańkestik áreketke daıyndyq barysynda oǵan qatysýdan óz erikterimen bas tartqan 20 adam anyqtalyp, tergelgen. Taǵy 6 adamǵa izdeý salynǵan. Qolda bar málimetterge saı olardyń barlyǵy Aqtóbe oblysynyń aýmaǵynda júrgen kórinedi.

Elbasy lańkesterdi, olarǵa qatysy bar adamdardy izdep tabýdyń mańyzdylyǵyna toqtaldy.

«Biz olardyń sol óńirde júrgenin bilemiz. Halyq ta eskertildi. Olardyń birin qaldyrmaı barlyǵyn ustaý kerek. Qarýly qarsylyq tanytsa, kózin joıý qajet. Barlyǵy qatań túrde jazalanýyt tıis», - dedi Elbasy.

5 mamyr kúni Aqtóbe qalasynda birneshe qarý-jaraq dúkeni men Ulttyq ulan áskerı bólimine qarýly shabýyl jasalǵan bolatyn.