Reseı buǵan deıin qorǵanys mınıstrliginiń synaq polıgondary retinde paıdalanylyp kelgen 1,7 mln ga jerdi Qazaqstanǵa qaıtarady. Bul týraly búgin Qazaqstan men Reseı qorǵanys mınıstrleriniń kezdesýinde belgili boldy.

RF qorǵanys mınıstri Sergeı Shoıgý arenda aýmaǵynan qoldanylmaıtyn aýmaqtardyń shyǵarylyp, Qazaqstan tarapyna ótetinin aıtqan.

«Biz Qazaqstannyń ótinishterin eskerdik. Basty nátıje retinde respýblıka aýmaǵynda Reseı qorǵanys mınıstrligi synaq polıgondary úshin jerdi jalǵa alý jáne paıdalaný týraly kelisim hattamalarynyń kúshine enýin aıtýǵa bolady. Biz Qazaqstan jaqqa qadam jasap, 1,7 mln gektar jer ýchaskesin arendadan shyǵardyq», - dep atap ótti S. Shoıgý kezdesý barysynda.

Budan bólek Reseı Embi synaq alańyn da qaıtarýǵa qarsy emes kórinedi.

«Osy jumystyń jalǵasy retinde Embi polıgony boıynsha hattama daıyndaýǵa kelistik. Osylaısha Qazaqstannyń halyq sharýashylyǵyna taǵy 300 myń gektardan astam jer qaıtarylatyn bolady», - deıdi RF qorǵanys mınıstri.

Resmı BAQ S. Shoıgý men I. Tasmaǵambetov kezdesýinde budan basqa óńirlik qaýipsizdik, qorǵanys salasyndaǵy birikken jobalar jaıy sóz bolǵanyn jazýda.