Elbasy Nursultan Nazarbaev Aqtóbedegi lańkestik áreketke baılanysty málimdeme jasady. Prezıdent 9 maýsymdy Jalpyulttyq aza tutý kúni dep belgiledi, - dep habarlaıdy  Qamshy.kz.

«Ótken jeksenbide Aqtóbe qalasynda dinniń atyn jamylǵan bir top terrorıst eldiń tynyshtyǵyn buzdy. (...) Men qaıtys bolǵandardyń otbasylaryna, týys-týǵandaryna shyn júregimmen kóńil aıtamyn. Qaza tapqan áskerı qyzmetkerler otan aldyndaǵy antyna adal bolyp, el qaýipsizdigi jolynda óshpes erlik kórsetti. Olardyń erlikteri memleket tarapynan laıyqty baǵalanatyn bolady. Onyń ústine 4 azamat qaıtys boldy, bári Aqtóbeniń turǵyndary. Sondyqtan, men erteńgi beısenbi, 9 maýsym kúnin Jalpyulttyq aza tutý kúni dep jarıalaımyn. Qaza bolǵandardyń artynda otbasy, bala-shaǵalary qaldy. Meniń tapsyrmam boıynsha, olarǵa barlyq qajetti kómekter jasalýda», - delingen Elbasynyń qandy oqıǵaǵa baılanysty jasaǵan málimdemesinde.