L. Gýmılev atyndaǵy Eýrazıa ulttyq ýnıversıteti dintaný kafedrasynyń profesory, tarıh ǵylymdarynyń doktory Asylbek İzbaıyrov Aqtóbe oblysynda lańkestiktiń aldyn alý, teris aǵymdarmen kúres júrgizý úshin osyǵan deıin qyrýar qarjy bólinip kelgenin aıtyp otyr, - dep habarlaıdy Qamshy.kz.

Dintanýshynyń aıtýynsha, Aqtóbede buǵan deıin dinı ekstremızm men terorızmniń aldyn alý jónindegi ortalyq, ákimdik janynda dinı qatynastar týraly bólim de bolǵan kórinedi.

«Dinı ekstremızmniń aldyn-alýǵa úlken qarajat bólingen. Nátıjesinde barlyq qarajat tıisti jerge jumsalmaǵanyn, bireýlerdiń qaltasynda qalǵanyn kórip otyrmyz. Bul isti jan-jaqty taldaý, ásirese, qarjylyq tergeý júrgizý kerek. Sonda barlyǵy óz ornyna keledi. Áıtpese osy ortalyqtar da batyldyq tanytyp, ózderiniń durys jumys istemegenderin moıyndaýlary kerek. Men mundaı jaǵdaı birinshi ret oryn alyp jatsa túsiner edim, al, bul aımaq erekshe nazarda boldy emes pe?», - dep jazady ǵalym.

Dintanýshy óńirde jergilikti ımamdardyń oń bastamalary da aıaqsyz qalǵanyn alǵa tarta kelip, osy kúnge deıin bólingen qarajat pen atqarylǵan jumysqa tekserý jasaýdy usynady.